نئی دہلی، 8 دسمبر (آئی این ایس انڈیا) نیشنل گرین ٹریبونل نے میرٹھ میونسپل کارپوریشن کے کمشنر کو ہدایت دی ہے کہ وہ کالی ندی کے کنارے گنواری گاؤں میں جمع کی جانے والی غیر سائنسی کوڑے کو تین ماہ کے اندر ہٹائے۔

این جی ٹی چیئرمین جسٹس آدرش کمار گوئل کی سربراہی میں بنچ نے لکھنؤ میں الہ آباد ہائی کورٹ کے سابق جج جسٹس ایس وی ایس راٹھور کی سربراہی میں ایک مانیٹرنگ کمیٹی کے ذریعہ اس معاملے پر دائر رپورٹ کو قبول کیا۔ ٹریبونل میرٹھ کے رہائشی نوین کمار اور دیگر کی درخواست پر سماعت کر رہا تھا۔ درخواست میں الزام لگایا گیا ہے کہ کچرے کو ناجائز طریقے سے ہینڈل کرنے کی وجہ سے 22 افراد فوت ہوگئے ہیں اور 200 افراد بیمار ہوگئے ہیں۔

بنچ نے کہاکہ مانیٹرنگ کمیٹی کی رپورٹ پر کوئی اعتراض نہیں ہے۔ اسی لئے ہم میرٹھ کے کارپوریشن کمشنر کو ہدایت دیتے ہیں کہ وہ کاروائی کو یقینی بنائے۔ ریاستی آلودگی کنٹرول بورڈ ماحولیاتی معاوضہ حاصل کرسکتا ہے۔